Холивудскиот актер Адам Сендлер пристигна на Филмскиот фестивал во Венеција во облека во која ретко го гледаме. Како што доликува, актерот дојде на премиерата на својот нов филм „Џеј Кели“ во смокинг, а на црвениот тепих му се придружи и неговото семејство.

Неговата сопруга Џеки, со која е во брак од 2003 година, блескаше во едноставен бел фустан. Нивните ќерки Сејди (19) и Сани (16) беа совршено усогласени – едната во црно, другата во бело фустанче, па заедно направија вистинска црно-бела семејна хармонија.

Ќерките ги следат стапките на својот татко

Адам отсекогаш велел дека неговото семејство е најголемата поддршка во неговиот живот. Кога станал татко, рекол: „Татковството е забавно. Одлично е. Го сакам тоа дете, умирам да бидам татко.“

Неговите ќерки веќе зачекориле во светот на глумата. Тие се појавија во филмовите „Hubie Halloween“, „You Are So Not Invited“ и неодамна во продолжението „Happy Gilmore 2“.

Постарата Сејди го имаше своето филмско деби во 2008 година во комедијата „You Don’t Mess with the Zohan“, а истата година имаше улога во филмот „Bedtime Stories“. Нејзиниот горд татко, исто така, ѝ организираше раскошна забава, а фронтменот на Maroon 5, Адам Левин, пееше.

Помладата Сани, исто така, глумеше во неколку проекти на нејзиниот татко, вклучувајќи ги „Grown Ups“, „Blended“ и „Murder Mystery“. Таа, исто така, покажа талент за пеење и настапуваше со својот татко.

Иако неговото богатство се проценува на 800 милиони долари, Адам Сендлер стекна репутација во јавноста како скромен човек. Се вели дека претпочита хамбургери пред луксузни оброци и јаде остатоци од оброкот во рестораните, често купува мебел на пазари и  вози велосипед наместо скапи автомобили. Неговиот секојдневен стил е далеку од гламурозен, а најчесто се гледа во шорцеви и преголема дуксерка со качулка, пренесува „Стил“.

Пред неколку години, тој купи куќа вредна повеќе од четири милиони долари, но во споредба со други актери со сличен углед, луксузот изгледа далеку од неговиот животен стил.

На што ги троши парите?

Зад неговиот скромен изглед се крие човек со големо срце. Познато е дека Сендлер донирал 10 милиони долари на детска болница, над 80 милиони долари на уметнички програми за деца и 50 милиони долари за помош на семејствата погодени од природни катастрофи.

Можеби е наречен „најсиромашниот милионер“, но она што навистина го издвојува не е бројката на неговата сметка, туку фактот дека е богат човек со огромна човечност.