Резултатот од тестот за присуство на коронавирусот кој посмртно беше направен врз единаесетгодишниот Илче е негативен потврди за „Слободен печат“ директорот на Институтот за судска медицина доктор, Александар Станков.

Илче од засега непознати причини почина во мал групен дом во Демир Капија, а последните симптоми што ги имал се покачена температура и покачени леукоцити кои сугерираат постоење инфекција.

Детето со ретка болест со години беше игнорирано од социјалните одделенија и заврши напуштено од двајцата родители во куќа во Оxрид, по што реагираше севкупната јавност.

На Детската клиника во Скопје неговата состојба се подобри и тој беше префрлен во демиркапиското село Корешница во мал групен дом каде почина ненадејно пред два дена.

Целосните резултати од обдукцијата како xистопатолошките наоди и токсиколошките наоди ќе бидат познати за две недели.