Албанија е во центарот на вниманието на италијанските туристи! Веста стана вирална годинава откако албанските брегови беа „нападнати“ од италијански туристи во потрага по евтино патување. Вниманието кон земјата драстично се зголеми годинава, пишува Валерио Салвијани во написот објавен во италијанскиот дневен весник „ Ил Газетино“. Приказните и сведоштвата ги преплавија социјалните мрежи, покажувајќи ги позитивните страни на новото „Ел Дорадо“ на туризмот. Но, дали е навистина така? Одговорот зависи од тоа кои луѓе ќе ги прашате. За едни е ефтино, за други убаво, за трети валкано.

„Чадори во прв ред 10 евра, ми носат кафе додека сум на лежалка и плаќам само 2 евра“, коментира воодушевен Италијанец. „Оние кои ја критикуваат Албанија се уште не биле таму. Доволно ја критикувавте Албанија, ако не ви се допаѓа, останете во Италија. Но овде е поубаво“, вели друг.

Доволно е да ја пребарате Албанија на ТикТок, за да имате десетици примери од овој тип. Еден локален жител го документирал и го споделил валканото море и преполната плажа.