Новиот амбасадор на Македонија во Париз, Игор Николов официјално ги предаде акредитираните писма на францускиот претседател Емануел Макрон. Како што соопштија од македонската амбасада во Франција, со ова официјално започнува дипломатскиот мандат на Николов во Париз.

– Амбасадорот, г-дин Игор Николов, на 1 септември 2025 година ги предаде акредитивните писма на Претседателот на Француската Република, Н.Е. Емануел Макрон. Со ова официјално започна неговиот дипломатски мандат во Париз, со цел унапредување на билатералните односи, зајакнување на соработката и продлабочување на партнерството меѓу двете земји – соопштија од Амбасадата.