Актерите Игор Ангелов и Игор Стојчевски за „Утрински брифинг“ на „Слободен печат“ велат дека тајната на успехот на серијата „Преспав“ е во нејзиниот квалитет.

– Се покажа дека публиката е желна за квалитетна македонска играна серија и на тоа се должи и нејзината голема гледаност – велат актерите.

Тие открија дека четвртата сезона на серијата завршува без расплет и можно е да се снима и нова, петта сезона на серијата.

– Досега снмивме 100 епизоди, се покажа дека публиката е „гладна“ за македонски производ, екипата е уиграна, а гледачите коментираат дека се’ повеќе уживаат во епизодите – велат тие.

Додаваат дека своите ликови (Коста и Тони) ги граделе врз основа на вистински ликови.