Летото е време кога свежото овошје и зеленчук ни се на дофат во секое време, а изборот за разновидни оброци е многу поголем.

Затоа ви нудиме рецепт за полнети домати, вистинско летно јадење кое ќе го воодушеви целото семејство.

Состојки:

• 4 домати
• 200 г мелено месо
• 1 јајце
• 1 главица кромид
• 1 чешне лук
• Сол, бибер
• 50 г ориз
• 150 г кашкавал

Подготовка:

Добро измијте ги доматите, а потоа исечете го горниот дел од секој домат.

Со лажица извадете ја внатрешноста на доматите и оставете ја на страна.

Посолете ги доматите.

Внатрешноста на доматот што сте го извадиле додадете ја во месото, а потоа и останатите состојки за филот, освен кашкавалот.

Сè добро соединете.

Со добиената смеса наполнете ги доматите, а одозгора додадете го ренданиот кашкавал.

Ставете ги доматите во сад подмачкан со масло, па печете ги во загреана рерна на 180 степени Целзјусови 30 минути