Власта го брои независниот пратеник Скендер Реџепи во владејачкото мнозинство, откако тој пред половина месец го извести претседателот на Собранието Талат Џафери дека повеќе не е дел од владејачката Алтернатива.

Џафери на брифинг со новинарите рече дека Реџепи со писмо го информирал дека излегува од партијата Алтернатива и дека повеќе нема да ги почитува партиските одлуки. Според претседателот на Собранието, Реџепи не се изјаснил како ќе дејствува, дали како мнозинство или како опозиција и се додека тоа не го стори тој останува дел од владејачкото мнозинство.

Според ова, власта и натаму во Собранието има мнозинство од 64 пратеници.

Откако Реџепи ја напушти Алтернатива од партијата побараа тој да го врати пратеничкиот мандат.