Семејството на Вирџинија Џуфре, која го тужеше принцот Ендру за сексуален напад во 2021 година, изјави дека Џуфре инсистирала да бидат објавени документите поврзани со Џефри Епштајн, се до нејзината смрт.

„Таа имаше надеж бидејќи ѝ беше кажано дека досиејата ќе бидат објавени. Се бореше за тоа до самиот крај. Сакаше јавноста да знае за злосторствата што ги извршиле“, изјави Аманда Робертс, нејзината снаа, пренесува „Си-ен-ен“.

Вирџинија Џуфре станала позната во јавноста откако го тужела британскиот принц Ендру во август 2021 година, тврдејќи дека имал сексуални односи со неа кога имала 17 години и под контрола на Епштајн. Со Принцот Ендру постигнала вонсудска спогодба, негирајќи ги сите обвиненија и без гонење.

Повиците за објавување на „досиејата на Епштајн“ се интензивираа во последните денови, вклучително и притисок од рамките на Републиканската партија, додека американскиот претседател Доналд Трамп се соочува со критики бидејќи не ги објавува документите.

Братот на Вирџинија Џуфре, Дени Вилсон, рече дека семејството морало повторно да ги преживее тешките моменти по нејзината смрт.

„Мораме постојано да се соочуваме со нејзиното минато“, рече Вилсон.

За потсетување, Џефри Епштајн беше пронајден мртов во затворска ќелија во Њујорк во август 2019 година, а властите ја окарактеризираа смртта како самоубиство, додека тој чекаше судење по обвиненијата за трговија со луѓе и сексуален напад.

Обвинителите, политичките партии и организациите за човекови права сега сè повеќе ги повикуваат американските власти да ги објават сите релевантни документи и да ја разоткријат мрежата на оние што се одговорни за сексуална експлоатација предводена од Епштајн.

Принцот Ендру ја загуби титулата