После кошаркарската НБА лига, американската фудбалска МЛС лига, и американската хокеј лига (НХЛ) потврди дека сезоната ќе биде прекината поради епидемијата на коронавирусот.

Има најави дека ваков потег ќе направи и американската бејзбол лига (МЛБ).

– Во светлото на моменталните случувања поради ширењето на коронавирусот, после консултациите со медицинските експети и разговори со челниците на НХЛ објавуваме дека сезоната 2019/20 е паузирана.

The NHL pauses the 2019-20 season. pic.twitter.com/bCi776ZFqX

— NHL (@NHL) March 12, 2020

НХЛ се труди да ги следи препораките на медицинската професија и локалните власти и се подготвува за различни можни исходи без да донесе какви било незрели и предвремени одлуки.

– Со оглед на веста дека еден играч во НБА лигата е тестиран позитивно на коронавирус и поради фактот што нашите лиги делат некои соблекувални, веќе не е соодветно да се продолжи со натпреварувањето.

Ние ќе продолжиме да ги следиме случувањата и медицинските совети, истовремено ги охрабрувајќи ги сите играчи и другите членови на НХЛ да ги преземат сите неопходни мерки на претпазливост, вклучително и изолација кога е потребно. Целта е да се продолжи сезоната што е можно поскоро за да се добие шампион. Дотогаш, им се заблагодаруваме на навивачите за нивното разбирање и трпеливост – се вели во соопштението на НХЛ.

Редовната сезона требаше да заврши на 4 април. Лигата има уште 189 натпревари, вклучувајќи и 10 закажани за четврток.

Моментно во Западната конференција води Ст. Луис Блуз со 94 бодови, додека на Истокот лидер е Бостон Бруинс со 100 бодови.