Откако ДКСК ја презентираше шемата и хронологијата за случајот Труст, нагласувајќи дека опремата и механизацијата на компанијата Трансмет, во текот на судската постапка против бизнисменот Сеад Кочан наместо да се конфискува, завршила кај новоформирани фирми, блиски до семејствата Кочан и Јахоски од Пуцко Петрол, министерот за внатрешни работи Оливер Спасовски тврди дека МВР ги презема сите дејства согласно нивните надлежности.

-Тоа барање што е доставено до МВР, по него постапуваат службите и ќе имаме точно сознанија и евиденции за тоа со податоците со коишто ние располагаме. Инаку конфискацијата подразбира пресуда во која точно се наведува што е тоа што треба да се  конфискува и Агенцијата за одземен имот врз сонова на тоа треба да ги преземе сите дејствија дали се однесуваат, дали се однесува на возила, на опрема, на згради. Тоа што е наша надлежност, тоа што е до нас да ги обезбедиме податоците, ние тоа ќе го направиме врз основа на тоа што го бараат институциите, рече Спасовски.

И ДКСК изрази сомневање дека блиски луѓе до Кочан оставарувале приход од изградба на патишта и автопати и цело време се користела опремата која судот не успеал да ја конфискува од Трансмет.

Поради неспроведената конфискација и зделките меѓу фирмите кои сега располагаат со опремата на Трансмет казните кои сообраќајната полиција казните ги праќа до стечајниот управител на Трансмет.