Најмалку двајца членови на екипажот на грчкиот товарен брод „Етернити Ц“ се ранети, а двајца се водат како исчезнати по вториот вооружен напад во последните 24 часа во Црвеното Море, објавија денес грчките власти и компанијата што го поседува бродот.

Товарниот брод „Етернити Ц“ под либериско знаме беше цел на беспилотни летала и бродови во близина на Ходеида, 50 наутички милји западно од јеменската престолнина Сана, која е под контрола на проиранските бунтовници Хути, објави Politiko.eu.

Центарот за поморски трговски операции на Велика Британија денес соопшти дека грчкиот товарен брод е сè уште „опкружен со мали бродови од кои континуирано се вршат напади“.