Во недела од 12:00 до 23:00 часот ќе се одржи настанот „Хумантроп“ на локацијата – Парк, Школка. Истиот е организиран од Владимир Лукиќ-Максимус Вандал во соработка со КСП Центар „Јадро“. Меѓудругото овој настан, има цел да собере средства за загрозените семејства од Украина. Донации може да се направат преку телефонски број 143-400 на „Црвен Крст“ кој има отворено фонд за донации. Со повикот се донираат 100 денари.

„Хумантроп е повеќе од само настан , тоа е идеологија за „подобро утре“. Настанот е од хумано-социјален, културен карактер. Ова е првиот настан што го оргазнизирам и планирам да прерасне во традиција и движење во оваа наша „безбојна заедница“- време е да внесеме малце „боја“, вели организаторот Лукиќ.

„Кога ја добив поканата да настапувам се согласив веднаш. Бидејќи станува збор за настан кој има и хуманитарен елемент, па затоа не размислив два пати. Се надевам дека ќе успееме да направиме добро дело“, вели Бибич, хип-хоп артистка.

Мотото што го носи овој настан е „ДА ПРАВИМЕ МУЗИКА И УМЕТНОСТ, А НЕ ВОЈНИ“

На настанот ќе учествуваат артисти од сферата на музиката и уметноста, Dino Shkrinjarikj(Besniot Vitez), Dj Andrey, Maximus Vandal, АМОК RADIO(Double G & Djagy), Spask1, Druggy, Kacar & Bibbych, Dope Kukjata & VecVajsVers, Uzi, Martix, The Local Blue и Janezname & Philip Ackowsky – во музичкиот дел од фестивалот, а за ликовната уметност ќе се погрижат – Јулија Барбун, Бурџу Мусли, Евгенија Трајковска, Благоја Грозданоски, Андријана Милошевска.

За дополнителни информации и line-up посетете го инстаграм-профилот на „Хумантроп“

 

View this post on Instagram

 

A post shared by @humantrop