На поранешната хрватска ријалити ѕвезда Ава Карабатиќ не ѝ е непозната политичката сцена, но открива дека овој пат на сè пристапува многу позрело и сериозно.

– Штотуку снимив нова песна во Белград. Се вика „Фер игра“, а јас токму така планирам да влезам во политиката. Фер и чесно – изјавила Ава Карабатиќ (35) за порталот „24сата.хр“, сестрана сплиќанка која повторно заплива во политичките води.

По нејзината кандидатура на претседателските избори во 2019 година, а за која пишуваа и светските медиуми, Ава сака да влезе во Парламентот!

– Луѓето ме сакаат, колку што ме мразат толку и ме сакаат и се надевам дека ќе имам поддршка. Кога станува збор за сцената, јас сум една личност, а кога станува збор за сериозна работа, јас сум вистински дипломат – раскажала Ава, која својата кандидатура ја објави на својот блог „Гола – од пеколот до заздравување“. Таа им вели на гласачите дека е сериозна, а себеси се опишала како „ренесансна провокативна жена, со барокни карактеристики, романтични погледи и космички слободна“.

Таа се потсетила на своите претходни кандидатури, на споменатите претседателски избори, како и една година подоцна, кога се испробала на парламентарните избори. Во тоа време, нејзиниот план бил да го забрани абортусот по шестата недела од бременоста, да воведе сексуално образование во училиштата, да ги заштити животните и да ги казни луѓето кои ги малтретираат. Целта била и да се воведат поголеми права за бранителите, да се сузбие корупцијата, да се намалат државните давачки, да се воведе нова политика за управување со отпад и многу повеќе.

Карабатиќ открила за „24сата.хр“ дека сега планира поинаку.

– Тогаш бев во тешка фаза, среде крах на врска, сето тоа беше несериозно. Оттогаш многу созреав, ме промени одвикнувањето од алкохолот, два месеци поминав на Раб – раскажала Ава.

Како што открила, сè уште нема конкретна политичка програма. Планира да развие сериозна кампања со помош на ПР-експерти, сака да направи промени во општеството.

– Политиката многу ме интересира, во средно училиште го полагав предметот „политика и економија“, а неодамна учествував и во еден квиз, каде што повеќето прашања беа за политика – рекла старлетата.

А дали Ава има политички примери?

– Трамп. Го запознав лично кога ја имаше лиценцата за Мис Универзум во 2007 година и беше на Хвар. Во него гледам речиси херој, иако тоа ми е многу голем збор.

Хрватската старлета Ава Карабатиќ се најде на сајт за деловна придружба, а од цената за услугата ќе ви се заврти во глава! (ФОТО)