Хрватска и 12 други земји членки добија официјално предупредување за неподнесување на конечните ажурирани национални планови за енергија и клима (НЕЦП). Конечно ажурираните НЕЦП се клучни инструменти кои обезбедуваат усвојување конкретни планови од страна на земјите членки за постигнување на договорените цели на ЕУ, меѓу другото за намалување на емисиите на стакленички гасови, енергија од обновливи извори и енергетска ефикасност, објави Индекс.хр.

Според Регулативата за управување и климатска акција на енергетската унија, сите земји членки требаше да ги поднесат своите конечни ажурирани документи до 30 јуни 2024 година. Комисијата досега има добиено 14 финални планови. По сеопфатната размена на информации со Комисијата по доставувањето на нацрт плановите и усвојувањето на препораките на Комисијата за земјите членки, гореспоменатите 13 земји членки сè уште не ги доставија своите конечни ажурирани НЕЦП. Комисијата смета дека овие земји ги прекршиле своите обврски и им испратила официјално предупредување, на кое мора да одговорат во рок од два месеци. Доколку нема одговори или Комисијата ги оцени како недоволни, следува вториот чекор – испраќање на образложено мислење.

Постапката за прекршување на ЕУ има три чекори. Првото е испраќање официјално предупредување, а доколку работата не се реши, ова предупредување е проследено со образложено мислење во кое се бара усогласување со законодавството на Унијата. Доколку земјата членка сè уште не соработува, Комисијата го упатува случајот до Судот на правдата на ЕУ.