Фудбалската репрезентација на Македонија на 3-ти јуни ќе игра пријателски натпревар против Хрватска, а во овој натпревар Хрватите нема да сметаат на услугите на Лука Модриќ.

Модриќ два дена пред натпреварот со Македонија ќе игра финале со Реал Мадрид во Лигата на шампионите, а по него ќе добие неколку слободни денови пред да се приклучи на националниот тим за Европското првенство во Германија.

„На почетокот на подготовките ќе имаме 12 фудбалери. Оние кои играат викендов ќе добијат неколку слободни денови и ќе ни се приклучат пред натпреварот со Македонија. Најдоцна ќе дојдат Модриќ, Брозовиќ и Пашалиќ, нив ќе ги имаме по натпреварот против Македонија. Против Македонија нема да сме комплетни и шанса ќе добијат оние фудбалери кои се со нас од почетокот. По тој натпревар ќе имаме два-три тренинзи во кои ќе бидеме комплетни“, изјави Далиќ.

Европското првенство ќе потсетиме започнува на 14-ти јуни и ќе се игра до 14-ти јули за кога е закажано финалето.