Христијан Илиоски, еден од најдобрите македонски возачи во историјата на мото крос натпреварувањата оствари нов успех во рамките од БМУ Европскиот мотокрос шампионат.

Во Турција нашиот натпреварувач го освои второто место во класата MX1 со вкупно 44 освоени поени од двете трки.

Првопласиран во оваа категорија беше Бугаринот Јулиан Георгиев (50 поени), а трет заврши Мустафа Четин од Турција (40 поени).

– Турција и второ место за мене на еден исклучително тежок, во конкуренција натпревар, но и мал пех, проблем со моторот кој сметав дека е решен.

Среќен сум со второто место, а деновиве се работи на детален сервис на мојот драг миленик кој ми донесе по камбекот толку среќа и победи, да биде подготвен за следниот викенд и трката во Романија – се зборовите на Илиоски по настапот во Турција.