Шопингот во Трст порано беше синоним за шопинг по поволни цени и добри времиња. Во Југославија, многу луѓе ја преминуваа границата за да купат нова облека и обувки, грамофонски плочи, па дури и храна. Дури и денес, многу Хрвати, особено од Истра и Риека, редовно одат на шопинг во Трст- пишува Телеграф.рс.

Сепак, откако Хрватска влезе во Еврозоната на 1 јануари 2023 година, цените значително се зголемија. Сè повеќе граѓани сега редовно купуваат во Словенија или Италија, каде што истите производи често може да се најдат по пониски цени.

Еден корисник на Reddit се интересираше дали Трст е сè уште „шопинг мека“ како што беше порано, па ги праша другите дали сè уште вреди да се оди во Трст или Палманова и дали некој има препораки за купување облека и храна.

– Не е како порано – напиша еден корисник.

– Сè уште вреди да се оди да се купи храна. На пример, тестенините De Cecco тука чинат повеќе од 2 евра, а во Italian Coop пред еден месец беа под 1 евро на распродажба.

Според еден коментатор, цените на храната се приближно 10% повисоки или пониски во зависност од тоа што купувате, но квалитетот е значително подобар.

– Одиме во Трст за храна на секои два или три месеци и тоа се исплати – заклучува еден корисник на Reddit.