Фотографот на „Слободен печат“, Драган Митрески, утрово ја долови ситуацијата која непредвидливо настана откако избувна пожар во зградата на СЕП и МИА кај поранешна Комерцијална банка.

За среќа повредени лица нема, а подготвеноста и екипираноста на пожарникарите од Противпожарната Бригада на Град Скопје, како и нивната пожртвуваност доведе со стивнување на  огнената стихија која утрово ја затекнаа.

Интервенирале 24 пожарникари со девет противпожарни возила, а на лице место се најдоа и медицински лица кои беа одговорни за здравствената состојба на пожарникарите, после нивната интервенција.

Оштетени се шест простории на првиот кат каде е сместен Инспекторатот за животна средина.

Евакуирана е целата зграда во која се сместени и Секретаријатот за европски прашања и Медиумската информативна агенција.

Од инспекторатот, каде работното време почнува во 08:30 часот, велат  при избувнувањето на пожарот немало вработени во нивните простории.

Пожарот е во североисточниот дел на зградата.