Хорор за жените во Иран: Полеани со киселина бидејќи не носеле хиџаб
Иранската новинарка и активистка Масих Алинеџад на својот профил објави текст за двете нејзини сонароднички кои биле казнети на ужасен начин бидејќи не носеле соодветен хиџаб.
Препорачано
Во мојот сакан Иран, овие две жени, Сохеила и Марзи, беа полеани со киселина бидејќи не носеа „соодветен хиџаб“. И понатаму мора да носат хиџаб доколку не добијат затвор или камшикување. На Запад ми рекоа дека споделувањето на нивните приказни ќе предизвика исламофобија, напиша таа на Твитер со фотографија од овие две жени.
In my beloved county Iran, these two women, Soheila and Marziyeh, were subjected to acid attacks for not wearing “proper hijab”. They still have to wear hijab if not they will get jailed or lashes. In the West I’m told, sharing their stories will cause Islamophobia. #LetUsTalk https://t.co/u0DwTHLiml pic.twitter.com/SHc8MX9R0a
— Masih Alinejad ?️ (@AlinejadMasih) December 29, 2021
„Во Иран ми рекоа дека ако не носам хиџаб ќе ме избркаат од училиште, ќе ме затворат, тепаат и избркаат од мојата земја. На Запад ми велат дека споделувањето на мојата приказна ќе предизвика исламофобија. Јас сум жена од Блискиот Исток и се плашам од исламската идеологија. Дозволете ни да зборуваме!“ напиша таа на Твитер.
Има многу случаи каде жените во Пакистан, Авганистан или Иран се малтретирани, тепани или казнети на некој друг начин затоа што се бореле за своите права или ако не направиле нешто како што треба.
