Три деца се повредени кога куче ротвајлер на соседите ги нападнало во Сремски Карловци.

Најтешка повреда заработил тинејџер од 16 години, на кого ротвајлерот му откинал парче од телото големо колку дланката. Храбра полицајка  ги спасила децата од полошо.

Во инцидентот се повредени уште и две деца на возраст од 11 и 13 години.

Ротвајлерот инаку од дворот на соседите излегол на улица и ги нападнал децата, кои потоа избегала во својот дом.

Полицијата веднаш излегла на терен, а екипа на Итната помош која исто така пристигнала на местото на нападот не смеела да влезе во дворот на куќата, поради тоа што ротвајлерот се уште слободно се шетал.

Храбра полицајка од патролата успеала низ прозорецот да влезе во куќата во која побегнале децата и да му помогне на повредениот тинејџер.