Овој хрватски австралиец уби седум млади меѓу 1989 и 1993 година и поради тоа издржуваше доживотен затвор. Нови шокантни детали од неговиот живот се појавија во очите на јавноста, привлекувајќи големо внимание на медиумите.

За „чудовиштето“, се тврди дека ги признал своите злосторства на својата мајка, а најмалку уште еден друг член на семејството знаел дека е убиецот – неговата помлада сестра, со која имал сексуални односи.

Пред неколку месеци, Милат беше фотографиран за прв пат по десет години, откако ја напушти болницата во која беше на третман за ракот. Медиумите тогаш објавија дека болеста му дала малку повеќе време да живее, додека борбата продолжила за серискиот убиец да ги признае злосторствата за кои е осуден.

На Милат му беше дијагностициран рак на хранопроводот во мај и беше пренесен во затворот Лонг Беј по болничкото лекување, каде почина. Детективите го посетиле таму со цел да го принудат да ги признае делата, но без никаква корист. Сепак, човекот што го остави убиецот зад решетки, рече дека Иван и признал на својата мајка Маргарет при посетата во затвор пред да почине.

Клајв Смол, авторот на книгата „Милат, најголемата потера во Австралија“, рече дека најмладиот брат на Иван, Џорџ, извлекол информации од нивната мајка Маргарет.

Маргарет отсекогаш во јавноста ја потенцирала невиноста на својот син. Таа имала 13 деца (девет момчиња, три девојчиња и ќерката Маргарет која загинала во сообраќајна несреќа), но Иван бил нејзиниот омилен син.

Еден ден пред осудата за убиството на Милат во 1996 година, таа инсистираше на тоа дека нејзиниот син е невин заедно со неговите браќа, кои Иван ги обвини за да се одбрани пред судот.

– Тие живееле овде кога се случиле убиствата. Ги измив сите, немаше крв. Тие се добри момци – рече Маргарет во тоа време. Таа секогаш го посетувала својот син, познат како „Мака“ во семејството Милат, во затвор, уште од претходно кога бил затворен за грабеж. Меѓутоа, кога последен пат го посетила во септември 2001 година, Милат бил преместен во затвор со максимална безбедност.

Милат, кој служеше седум доживотни затворски казни за најозлогласените сериски убиства во Австралија, во неколку наврати се обидуваше да избега од затвор, поради што му беше обезбедена ќелија во затворот од која не може да избега.

Дотогаш, бруталните убиства на Иван и неговата репутација во затвор како „ладен, дрзок психопат, без никаква почит кон човечкиот живот“ го ставија презимето на Милат на лошо глас. Клајн беше дел од групата која го обвини Милат за убиствата на Каролина Кларк, Џоана Волтерс, Симон Шмидл, Ања Хабшид, Габор Нојгебауер, Џејмс Гибсон и Дебора Еверист.

Кога се вратила од посетата со својот син, Маргарет ручала со своето најмало дете, кое забележало дека нешто не е во ред. Џорџ тогаш ја праша мајка си дали „можеби Иван и кажал нешто што не сакала да го слушне?“

„Тој се изјасни за виновен“, наводно така Маргарет му одоговорила на Џорџ. Маргарет починала во октомври 2001 година на 81-годишна возраст.

Тој имал секс со својата помлада сестра

Помладата сестра на Иван, Ширли, со која признал дека има блиски и веројатно сексуални односи, исто така, велела дека е невин и веројатно дека знаела што направил. Ширли и Иван живееја заедно во еден дом во Сиднеј, кога беше уапсен во февруари 1994 година.

Во тоа време, куќата беше полна со опрема за кампување и предмети од жртви чии убиства сè уште не беа решени, а делови од пиштол беа скриени во sидовите и таваните.

– Ширли имаше врска со тоа. Не можам да кажам дека ги извршила убиствата, но можам да кажам дека била вмешана – рекол Џорџ.

Во семејството, наводно според пишувањето во книгата, имало инцест, а Иван и Ширли имале сексуални односи од 1950-тите, кога таа имала 20-тина години. По апсењето на Иван, Ширли го отстранила пиштол скриен во водоотпорна корпа во дворот. Таа му го дала на својот брат Волтер и му рекла да се ослободи од него.

Шест месеци откако нејзиниот постар брат беше осуден на седум доживотни казни затвор, Ширли беше казнета со 1.000 долари. Таа починала во 2003 година.

Кој е Иван Милат?

Иван Роберт Марко Милат е роден на 27 декември 1944 година во Гилдфорд, Австралија. Тој е дете на иселеникот од Хрватска, Стјепан Марко Милат и австралиската државјанка Маргарета Елизабет Милат.

Заедно со неговиот брат Ричард, тој беше дел од бандата што оперирала на патот Сиднеј-Мелбурн и вршела грабежи. Неговиот внук Метју Милер и неговиот пријател беа осудени пред неколку години за убиство на 17-годишник со секира.