Возачот на Прамак Дукати, Хорхе Мартин, триумфираше на спринтерската трка што се возеше во рамките на Германското ГП, деветтото коло од овогодинешниот шампионат во Мото ГП.

Шпанецот втора година по ред го освои спринтот на „Заксенринг“, каде минатата сезона славеше и на главната трка, а воедно го оствари и четвртиот триумф во тој формат сезонава.

Најблиску до Мартин беше Мигел Оливеира од Трехаус, кој на тој начин стигна до првиот подиум (барем во спринтот) на Априлија, додека актуелниот шампион Франческо Бањаја на Дукати беше на третото скалило на подиумот.

Мартин на чело на генералниот поредок сега има 212 бода, 15 повеќе од Бањаја, додека постариот Маркез е трет со 146.