Во северозападна Франција, во селото Сен-Хербо во близина на Кимпер во Бретања, дошло до пукање во кое е убиено единаесетгодишно девојче од британско семејство. Пукањето се случило поради расправија со соседите.

Според локалните извештаи, семејството било во нивната градина кога се случило пукањето. Повредени се и родителите на девојчето.

Британските власти соопштија дека му пружаат помош на британското семејство во оваа тешка ситуација. Осомничениот, идентификуван како 71-годишен холандски државјанин, е уапсен заедно со неговата сопруга, соопшти обвинителството.

Локален жител за медиумите изјавил дека за инцидентот алармирала осумгодишната сестра на девојчето.

Карин Хали, локалната обвинителка, рече дека сè уште не се познати точните околности за овој инцидент, но дека очигледно имало конфликт меѓу соседите што трае неколку години за земјата.