Хокеарската репрезентација на Шведска обезбеди пласман во полуфиналето на олимпискиот турнир во Пекинг откако во последниот четвртфинален натпревар со 2:0 ја совлада Канада.

Победникот беше решен во последната третина кога Швеѓаните ги постигнаа двата гола и со тоа ја потврдија доминацијата во текот на сите 60 минути.

По првите две третини кои завршија без голови, „трите круни“ во последниот период, благодарение на головите на Волмарк и на Ландер дојдоа до победата.

Шведска во полуфиналето ќе игра против Русија, додека во второто полуфинале ќе се сретнат Финска и Словачка.