56-годишна жена од скопското село Јурумлери, вработена како хигиеничарка во државна институција во центарот на Скопје, вчера пријавила дека се здобила со тешки повреди додека работела, но МВР не открива која е институцијата во која таа е вработена.

„На 26.08.2025 во 14:10 часот во СВР Скопје, В.П.(56) од с.Јурумлери, скопско, пријавила дека околу 07:30 часот во објект на државна институција на подрачјето на Центар, додека извршувала работни задачи како хигиеничарка, се здобила со тешки телесни повреди, констатирани во Градската општа болница „Св. Наум Охридски“. За настанот бил известен трудов инспектор“, велат од полицијата.