Повредениот италијански репрезентативец Леонардо Спинацола им напиша писмо на соиграчите од националниот тим кои вечерва играат во финалето на Евро 2020 против Англија.
„Ни остана уште една битка“, пишува во писмото.

Фудбалерот на Рома ја повреди ахиловата тетива во четвртфиналето против Белгија, тој веќе е опериран и ќе паузира до крајот на годинава, но соиграчите не го заборавија. Спинацола отпатува за Лондон и вечерва на „Вембли“ ќе ги бодри колегите од репрезентацијата.

„Доколку би можел да се вратам низ времето, повторно би трчал за таа топка, би го направил истото уште 100 пати во обидот да добијам еден метар предност пред ривалот. Тоа не е ништо посебно, тоа се правилата на „Азурите. На крајот на краиштата ќе поминеш низ целта само доколку си подготвен на соиграчите да им да дадеш својата душа. Повредата ме тргна од терените, но не може да ме одвои од нив. Мојот сим Матија кој има само три години, разбира дека неговиот татко не може да се седи дома и пред ТВ да го гледа натпреварот. Возбуден сум и тоа не можам да го сокријам, кога влегов во авионот почувствував како повторно да се родив. За неколку часа ќе бидам на теренот со моите соиграчи и на трибините со цела Италија. Можеше да биде подобро, но исто така и полошо“, пишува Спинацола кој завршува со зборовите:
„Ни остана последната битка на ова Евро, на „Вембли“. Ова е турнир кој засекогаш ќе го носам во срцето. Форца Азури“.