Прволигашкиот фудбалски клуб Хатајспор се повлече од турската Суперлига и нема да игра повеќе натпревари оваа сезона, по разорниот земјотрес што ги погоди југоисточна Турција и северниот дел на Сирија.

Бројот на загинати во земјотресите што ги погодија Турција и Сирија надмина 21.000, а меѓу најтешко погодените градови е Антакија, од каде што потекнува Хатајспор.

Крилниот напаѓач на Хатајспор од Гана, Кристијан Атсу и понатаму се води како исчезнат и покрај тоа што потпретседателот на клубот претходно оваа недела изјави дека бил извлечен од урнатините со повреди и пренесен во болница.

Турската агенција Анадолу објави дека спортскиот директор на клубот Танер Савут сè уште е исчезнат или е под урнатините.

– Хатајспор испрати писмо. Нè известија дека нема да ги играат натпреварите оваа сезона – изјави претседателот на Унијата на турските фудбалски клубови Али Коч на прес-конференција заедно со претседателот на Турската фудбалска федерација (ТФФ), Мехмет Бујукекши.

Хатајспор моментно е на 14 место на табелата во турската лига, додека Газиантеп е на 10 позиција.

– Доколку и Газиантеп сака да се повлече од лигата, планираме да продолжиме со 17 екипи, под услов правата на овие два клуба да останат недопрени – се зборовите на Коч кој воедно наведе дека Газиантеп допрва треба да донесе одлука.

? Hatayspor have withdrawn from the Turkish championship after because of no structural and psychological conditions

They will no longer participate in the league but this season will still retain its place in the Super Lig for next season.

?: BSR Agency (Getty Images) pic.twitter.com/S0CGsC6cZF

— Sports Brief (@sportsbriefcom) February 9, 2023