Филмскиот продуцент Харви Вајнстајн итно е хоспитализиран во Њујорк и ќе биде опериран.

Неговиот адвокат Артур Аидала изјави дека продуцентот во неделата навечер бил префрлен од затвор во болница, ненаведувајќи детали.

Адвокатите велат дека филмскиот могул има повеќе здравствени проблеми и болки во градите. Вајнстајн има сериозни здравствени проблеми и повеќе пати во последните години беше хоспитализиран. Во јули беше лекуван од ковид. Има дијабетес и висок крвен притисок.

Тој е осуден на казна затвор од 23 години за силување и сексуален напад. Тој ја обжали пресудата и судењето ќе биде повторено на крајот на годинава.