Потпретседателката на САД и демократска кандидатка на изборите Камала Харис не успеа да обезбеди победа на својата партија, а сега првпат се огласи по поразот. Таа уште на почетокот им се заблагодари на сите луѓе кои дојдоа и гласаа за неа. Илјадници луѓе дојдоа да ја слушнат и видат Харис во живо. Громогласен аплауз го придружуваше нејзиното појавување на сцената.

– И јас ве сакам! Дозволете ми да кажам. Моето срце е полно денес, полно со благодарност, љубов кон нашата земја. Исходот не е она што го сакавме, за што се боревме, за што гласавме. Но, слушнете ме, светлината секогаш ќе гори, изјави на самиот почеток Камала Харис.

Таа истакна дека е горда на борбата и како таа се борела.

– Се придржуваме до принципот на мирен трансфер на власта. Ова ја разликува демократијата од монархија и тиранија. Не му должиме лојалност на претседателот и партијата, туку на американскиот Устав. Го признавам поразот, но не се откажувам од борбата што ја водев во кампањата. Борбата за слобода… Тоа е борба од која никогаш нема да се откажам – рече таа.