Првата ѕвезда на Хјустон Рокетс, Харден, кој воедно е и репрезентативец на САД за наредното Светско првенство во Кина го посети стадионот на Арсенал, „Емирати“.

Во Лондон освен кошаркарската, ја покажа и фудбалската уметност. Тој во рамките на промо кампањата на една спортски бренд го облече дресот на Арсенал.

Во негово друштво беше играчот на тој фудбалски клуб, Рис Нелсон, а интересно двајцата мораа да покажат колку знаат, односно не знаат, во светот на фудбалот и кошарката.

Така, популарната „Брада“ се обида да жонглира, прилично добро, шутираше кон голот, но многу лошо, а и тешко се снаоѓа во улогата на голман.

Кога виде дека не му оди баш најдобро, се реваншираше, но со рацете со кои секако ја контролира многу подобро кошаркарската топка.

Mad day at Emirates with @JHarden13 & @adidaslondon!! ??‍? #FreeToHarden #CreatedwithAdidas pic.twitter.com/Jz7woI8XDZ

— Reiss Nelson (@ReissNelson9) July 9, 2019