Во услови на голем недостиг на храна и на економска криза, од Северна Кореја пристигнуваат вести дека диктаторот Ким Џонг Ун сменил повеќе од половина од неговите службеници.

– Работничката партија на Кореја разреши 40 отсто од членовите на Политбирото кои беа на функција во последната година и 60 отсто од функционерите во секретаријатот на партијата – соопшти Министерството за обединување на Јужна Кореја, кое е задолжено за односите со Северна Кореја.

Се верува дека Ким Џонг Ун сака да ја обезбеди својата моќ во Северна Кореја со реорганизација на воени офицери, партиски кадри и други владини функционери.