Хамилтон: Се додека дишам, ќе се борам за промени
Актуелниот Формула 1 шампион, Луис Хамилтон, повторно истакна дека ќе ја продолжи борбата за промени во спортот и во светот.
Возачот на Мерцедес минатата година активно учествуваше во движењето „Black lives matters“, јавно се залагаше за борба против расизмот и за еднаквост. Тој пред секоја трка клечеше, што е симбол на борбата против расизмот.
– Некои од нас за време на минатата сезона клечеа во знак на поддршка на еднаквоста и на тоа сум горд, но имам едно прашање: што е следно. Нееднаквоста постои во нашиот спорт но и во целиот свет и потребни се промени. Мора да инсистираме на тоа дека одговорноста е кај сите нас и да се бориме за еднаквост. Се додека дишам, ќе се борам за промени со се што правам. Ќе трасирам пат за децата од сите раси. Ајде да продолжиме да се бориме – порача Хамилтон.
Препорачано
-
1
-
2
-
3
Минатата сезона, Луис Хамилтон ја освои седмата шампионска титула во Ф1 со што се израмни со легендарниот Михаел Шумахер, а неодамна потпиша и нов договор со Мерцедес и е главен фаворит за титулата и во новата сезона која стартува идниот месец.
— Lewis Hamilton (@LewisHamilton) February 26, 2021
