Палестинската милитантна група Хамас соопшти дека Израел „насилно ги крие“ затворениците од Газа и спречува каков било контакт со нив.

Во соопштението што го објави Ал Џезира денес, Хамас изјави дека израелските претставници признале „кршење“ на правата на палестинските затвореници, но дека немало меѓународен одговор.

„Меѓународното молчење ја охрабрува окупацијата да изврши понатамошни кршења на (правата) на палестинските затвореници“, се вели во соопштението.

Хамас го издаде соопштението откако израелската армија ослободи 13 претежно млади затвореници, кои беа притворени од неколку локации во Појасот Газа во текот на изминатите три месеци, објави Танјуг.