Пратеникот од Алијанса за Албанците, Халил Снопче, во изјава за ТВ21 рече дека со собраните 61 потпис, партиите кои се дел од новото парламентарно мнозинство „докажуваат дека актуелната власт е нелегитимна“.

„Политичките партии кои не се дел од овој хибриден режим, најкорумпираниот режим во регионот, ги надминаа разликите и всушност собравме 61 потпис за да и докажеме на власта дека е нелегитимна“, рече Снопче за ТВ21.

На прашањето дали се сигурни потписите што беа депонирани синоќа, Снопче за ТВ21 изјави дека тие се безбедни и дека во наредните денови ова мнозинство ќе се зголеми.

„Потписот го депонираа 61 пратеник избран од народот. И сега зборуваме дали се безбедни. Ова мнозинство од 61 ќе се зголеми во наредните денови, ви гарантирам, бидејќи пратеникот избран од народот го депонирал потписот за рушење на власта. Сите овие луѓе се бореа против оваа Влада затоа што сметаа дека оваа власт е криминализирана, корумпирана и нормално, како што реков претходно, меѓународните власти ја нарекуваат хибридна влада“, нагласи Снопче за ТВ21.