Блејк Шелтон и Гвен Стефани со нетрпение ја очекуваат својата венчавка ова лето и се возбудени што ќе имаат гости, изјави неименуван извор за „People“.

„Уште кога се свршија, двајцата беа одлучни дека нема да има свадба сè додека не биде безбедно да присуствуваат семејството и пријателите. Гвен уште на почетокот кажа дека сака летна свадба. Вознемирена беше кога почна годината и кога се чинеше дека нема да има крај на пандемијата. Сепак, таа полека започна да ја планира свадбата оваа пролет“, вели изворот.

 

View this post on Instagram

 

A post shared by Gwen Stefani (@gwenstefani)

„Двајцата се возбудени бидејќи конечно може да се случи. Тие ќе се венчаат ова лето. Момчињата на Гвен ќе бидат вклучени исто така. Блејк е одличен „дополнителен“ татко и е многу близок со момчињата“, додава изворот.

„Синовите на Гвен се многу паметни, слатки деца и тие се толку возбудени што Блејк и Гвен ќе се венчаат. Едвај чекаат да застанат покрај нив“, изјавил пријател на пејачката.

Извор близок до Стефани во декември за „People“ изјави дека децата на Стефани отсекогаш биле важни во врската на двојката. „Од самиот почеток, Гвен му даде до знаење на Блејк дека синовите ѝ се број еден во животот, а Блејк секогаш го почитуваше ова. Никогаш не сакаше да форсира и се погрижи на сите да им биде комотно со неговата улога во животот на нејзините синови“, додал пријател на Стефани.

 

View this post on Instagram

 

A post shared by Blake Shelton (@blakeshelton)

На крајот на минатиот месец, Шелтон се пошегувал како би изгледала неговата венчавка со Стефани, доколку тој ја организира големата вечер.

„Ако јас го бирав менито буквално сè ќе беше пржено. Помфрит, пилешки прсти, знаете, сите тие работи. Мислам дека на Гвен ѝ е јасно дека ќе биде доста неелегантна венчавка ако имав контрола во планирањето”, се пошегува Шелтон.