Фудбалерот на Валенсија, Феран Торес, и дефинитивно во наредната сезона ќе настапува во Премиер лигата за екипата на Манчестер сити. Повеќе извори за шпанските медиуми потврдија дека е постигнат договор, на крајот Валенсија се согласи да ја намали сумата што ја бара бидејќи фудбалерот влезе во последната година од договорот.

Шпанскиот тим бараше 40 милиони евра, но на крајот договорот е постигнат и Манчестер сити ќе плати веднаш 25 милиони евра, а дополнителни 12 милиони низ бонуси.

Феран Торес уште од претходно ги договори личните услови и ќе потпише петгодишен договор со вицешампионот во Премиер лигата, а официјалната презентација се очекува да биде до крајот на неделата.

Торес може да покрие неколку позиции во средниот ред иако највеќе му лежи позицијата на лево крило и е донесен како замена за Давид Силва кој по 10 години си заминува од Манчестер сити.