Најдобрата грузиска кошаркарска репрезентација успеа да обезбеди пласман во четвртфиналето на Европското првенство.

Грузијците направија изненадување откако во осминафиналето триумфираа над Франција со 80:70 во летонскиот град Рига, и за тоа ќе бидат богато наградени.

Играчите, како и српскиот стратег кој ја води Грузија од клупата, Александар Џикиќ, ќе добијат нешто повеќе од еден милион евра за овој голем резултат.

Воедно тие ќе добиваат иста сума за секоја следна победа на ЕП, а бидејќи играат во четвртфиналето против Финска, не се без шанса да освојат најмалку два милиони евра.

Четвртфиналниот натпревар помеѓу Финска и Грузија е закажан за в среда (10 септември) со почеток од 16.00 часот.