Климатската активистка Грета Тунберг е меѓу приведените активисти за климатски промени за време на протестите во селото Лицерат, кои станаа насилни откако полицијата дојде да ги растера активистите собрани во селото.

Лицерат ќе биде целосно урнат, а во околината ќе се проширува отворениот рудник за јаглен Гарцвајлер, планираат властите.

Тунберг, којa им се придружи на демонстрантите во петокот, беше видена како седи сама во голем полициски автобус откако беше приведена, изјави сведок за Ројтерс.

„Грета Тунберг беше дел од група активисти кои се упатија кон полицата. Таа беше запрена и изнесена од оваа група надвор од непосредната област за да се утврди нивниот идентитет“, изјави портпаролот на полицијата во Ахен за Ројтерс, додавајќи дека еден активист скокнал во рудникот.

Сè уште не е јасно што ќе се случи со Тунберг или со групата со која беше приведена, ниту дали активистот што скокнал во рудникот е повреден, рече портпаролот.

ВИДЕО: Жесток судир на активисти и полицијата во Германија, повредени се 70 специјалци