Канадскиот пејач „The Weeknd“ продолжи да ги бојкотира наградите Греми. Музичката ѕвезда одлучи да не ја испрати својата музика за да влезе во протоколот за добивање на оваа престижна награда.

Конфликтот со Академијата Греми датира од минатата година, откако тој не доби номинација за неговиот критички прифатен албум „After Hours“.

 

View this post on Instagram

 

A post shared by The Weeknd (@theweeknd)

Тој потоа јавно ја критикуваше оваа церемонија за доделување награди преку социјалните медиуми.

„Греми наградите сè уште се корумпирани. Ми должите мене, на моите фанови и транспарентноста во индустријата“, напиша пејачот на Твитер.

Пејачот и годинава продолжи со својот бојкот и ги спомена таканаречените „тајни комитети“.

 

View this post on Instagram

 

A post shared by The Weeknd (@theweeknd)

„Поради тајните комитети, повеќе нема да дозволам мојата издавачка куќа да ја предаде мојата музика на Греми“, изјавил во интервју за „ The New York Times“.

Моментално пејачот работи на нова музика, а неговиот најнов сингл „Save Your Tears“ беше објавен на почетокот на јануари оваа година.