Грчката влада разгледува казнена даночна мерка за сопствениците на празни имоти, пишува финансискиот портал Паритени.бг. Причината за драстичната мерка е недостигот на станови и зголемувањето на цените. Во последните години, бројот на пријавени ненаселени домови се движел помеѓу 750.000 и 900.000. Во 2023 година, студијата на Евростат откри дека Грција е број 1 во целата ЕУ во однос на празни домови.

Најголемиот број празни станови е во големите градови – во Атина, Солун, Пиреја, нивниот удел е околу 30 проценти. Даночните олеснувања што беа воведени за сопствениците кои ги ставаат своите имоти на пазарот за изнајмување не го даваат посакуваниот ефект. Во големите градови, побарувачката останува многу поголема од понудата. Затоа дополнителното оданочување за празните домови сега е на дневен ред. Тоа може да се направи на два начина – со зголемување на годишниот данок на имот или, како во Франција и Шпанија, со воведување дополнителен данок пресметан како процент од пазарната кирија во соодветната област. Опозицијата во грчкиот парламент бара посебна програма што ќе им овозможи на сите сопственици да ги издаваат своите празни домови под наем без да бидат принудени од „фискални“ мерки, пренесува „Сега.бг.њус“.