Полициска операција насочена кон турската мафија се одржа во петокот во Атина и Солун, при што беа уапсени 11 лица, пренесува Катимерини. 

Според Дирекцијата за контрола на организираниот криминал, операцијата насочена кон разбивање на криминалните банди резултирала со апсење на 10 Турци и еден либански државјанин.

Уапсените лица се соочуваат со обвиненија за прекршување на законите за оружје и дрога.

На 11 декември минатата година, по двојното убиство во Глифада, се случи голема полициска акција во станови низ Атина и Солун. Тогаш беа уапсени најмалку осум лица, а запленети се 49 парчиња оружје.