„Досега во игра се само 2 цврсти пишувани документи, зад кои што застанаа двете земји. Зад едниот застанаа двете држави, а тоа е Договорот за добрососедство, а другиот бугарски меморандум до ЕУ, во кој што бугарската влада го поднесе за објаснување на блокадата“, вели универзитетскиот професор, Мирослав Грчев во гостувањето на емисијата „24 анализа“.

Тој истакна дека кога ги гледаме проблемите кои се испречија на македонскиот пат до евроинтеграциите, на чуден начин се занимаваме со некои нон пејпери што се појавуваат изјави на официјални лица, но досега во игра се само два цврсти пишувани документи.

„Зад кои зад едниот застанаа двете држави, а тоа е Договорот за добрососедство, а другиот е бугарскиот меморандум до ЕУ којшто бугарската влада во име на сите свои политички тела, го однесе како објансување на нејзината блокада на македонскиот пат. Кога ќе ги ставите еден до друг, помеѓу едниот и другиот нема совпаѓање, ниту во темите и намерите. Објаснувачкиот меморандум е еден акт на непријателство, полн со ресентимани, зли сеќавања, еден искрен државен исказ на разочараност, озлобеност и ојаденост заради некои минати губитоци, за кои се обвинува Македонија.“ – вели професорот Грчев.