Веќе неколку пати се најавува во италијанските медиуми дека поранешниот македонски репрезентативец ќе ја продолжи соработката со Џенова, но и натаму нема потврда од клубот.

Горан Пандев кој на Европското првенство ја заврши репрезентативната карира, летово размислува дали ќе потпише нов договор со Џенова или пак ќе стави крај на фудбалската професионална кариера.

Тренерот Давиде Балардини не сака да се откаже така лесно од 37-годишниот напаѓач кој и лани имаше значаен придонес со своите голови за опстанокот на тимот во Серија А.

Како што пренесува еден од најпознатите медиуми во Италија, „Гаѕета дело Спорт“, Пандев ќе го прифати договорот на една година од Џенова.

????| Goran Pandev will accept the one year contract extension from Genoa.

{La Gazzetta dello Sport} pic.twitter.com/XW1gjhXdIA

— Football Macedonia (@MacedonianFoot) July 19, 2021

Нашиот фудбалер минатата сезона во најсилното италијанско првенство имаше учинок од седум голови во 29 настапи.

Од натпреварувачката сезона 2015/2016 од кога настапува за клубот, Пандев е редовен учесник во една од најсилните европски лиги.

Елмас: Македонија повторно ќе игра на големо натпреварување