Граѓаните кои се фотографирале за пасош во „Пролет“ и „МРТВ“  од понеделник на својот мобилен телефон ќе добијат СМС за да го подигнат, информираа денес од МВР.

„Министерството за внатрешни работи ја информира јавноста дека со цел да се олесни процесот за подигање на готови пасоши, од понеделник (19.02.2024) граѓаните кои се фотографирале за пасош во објектот на МРТВ или во ПС Пролет ќе добиваат СМС порака откако ќе им биде изготвен пасошот за да дојдат да го подигнат“, сопшуваат од МВР.

Исто така, граѓаните ќе можат на интернет страната mvr.gov.mk да извршат проверка дали нивниот пасош е изготвен.

Од МВР, замолуваат граѓаните кои ќе немаат добиено СМС порака дека нивниот пасош е готов да не доаѓаат во објектот на МРТВ

Граѓаните кои се фотографирале во другите пунктови во Скопје или во другите градови, готовите пасоши ќе ги подигаат на ист начин како и до сега.