Вистински пример за тоа како треба да изгледа зедничкото домување во една зграда претставуваат станарите од зградата булевар 3та Македонска Бригада во Аеродром. Тие живеат сложно и функционираат како една мини фамилија со околу 30 стана.

Секоја пролет и есен организираат работна акција во која сами го чистат дворот и подрумскиот дел на зградата.

Денес самоиницијативно, неорганизирани од невладини организации, ниту пак од претпријатија или општински раководства, во организација на куќниот совет организираа акција за да го соберат отпадот околу зградата и да ги исечат непотребните гранки, а воедно да ја полеат тревата и околните дрвја.

Акцијата се одвиваше успешно благодарение на возрасните станари, но најголем придонес имаа и децата од зградата кои со љубов и многу труд ги извршуваа задачите.

Тие собираа со гребло, метеа и го фрлаа отпадот во контејнер, а од акцијата се собраа 3 контејнери ѓубре.

Крајниот резултат ги исполни сите, а тоа беше чист двор и околина и задоволни.

„Оваа акција треба да служи за пример на сите граѓани, за да имаме чиста околина треба и ние сами да дадеме свој допринос во тоа“, ни напиша еден од станарите заедно со фотографиите кои ни ги испрати.