Ракометарите на Вардар нема да пристигнат во 16.15 часот, туку нивното доаѓање на аеродромот Скопје се очекува околу 18.50 часот. Тие ќе допатуваат со специјален чартер лет кој го обезбеди Град Скопје, кој за оваа намена одвои 39.500 евра.

„ По мое барање и предлог, советот на Град Скопје ќе гласа ракометарите на шампионскиот Вардар да бидат донесени дома со посебен чартер лет, финансиран од Град Скопје“, изјави Шилегов на седницата на советот на Град Скопје.

Според предвидениот план, ракометарите ќе полетаа околу 16.30 часот, а нивното слетување се очекува околу 18.50 часот по што веднаш ќе се упатат кон плоштадот „Македонија“, каде ќе биде организирана заедничка прослава на втората европска титула на „црвено-црните“.
Град Скопје одлучи да ги награди ракометарите со 6.000.000 денари, кои за триумфот во Келн од страна на ЕХФ добија 500.000 евра.