Екипата на Гостивар која денес порано го потврди ангажманот на екс-фудбалерот на Вардар, Дарко Глишиќ потврди дека потпишале договор со уште двајца нови фудбалери.

Нов член на амбициозниот прволигаш е Мевљан Мурати. Мурати во Гостивар пристигнува од редовите на Работнички, а најдлабока трага остави во Шкендија со која освои три титули и еден Куп трофеј.

Освен Шкендија, Мурати настапуваше уште за Ренова и Шкупи, а надвор од границите на Македонија беше дел од Партизани и Тирана. Ќе потсетиме, тој беше дел и од „златната генерација“ на фудбалери до 21 година кои настапија на младинското Европско првенство.

Покрај Мурати договор со Гостивар потпиша и искусниот дефанзивец Константин Чешмеџиев.

Чешмеџиев во Гостивар доаѓа од саудискиот Хаџер, претходно настапуваше за Работнички, Шкендија, Пелистер, Шкупи, Брера, Македонија Ѓорче Петров, а од интернационално искуство играше за клубови од БиХ, Бугарија и Албанија.

Дарко Глишиќ Вардар го замени со Гостивар