Речиси 90.000 фунти биле потрошени за шампањ во Домот на лордовите (горниот дом на британскиот Парламент) минатата година, а според новите бројки ова е највисоко ниво во последните пет години, пренесува Гардијан.

Деталите за продажбата – што се еднакви на 1.589 шишиња – беа објавени од шкотската национална партија, која тврди дека ова докажува дека лордовите биле „архаични и недопирливи“ во времето на беснеечката криза на трошоците за живот.

„Парламентот во кој неизбраните лордови собираат 342 фунти на ден само за да се појават, не е парламент што одговара правилно да го претставува народот“, рече Томи Шепард, пратеник на СНП.

Бројките објавени по барањето за слободен пристап до информации покажаа дека во текот на годината биле купени 1.589 шишиња шампањ по вкупна цена од 88.987 фунти – околу 56 фунти поединечно. Цената е малку зголемена од вкупниот износ од 2022 година, кога беа продадени 1.580 шишиња по цена од 85.462 фунти.

„Гласачите ќе се шокираат кога ќе слушнат дека, додека тие се мачеа да ги балансираат финансиите во домаќинството и да платат основни работи како намирници и енергија, неизбраните лордови трошеа илјадници на шампањ“, додаде Шепард.

Портпаролот на Домот на лордовите рече дека целиот алкохол, вклучително и шампањот, продаден во Домот на лордовите се продавал со профит.

„Поголемиот дел од шампањот што го продава Домот на лордовите го купуваат посетителите во продавницата за подароци и го консумираат подалеку од парламентот од страна на членовите на јавноста, или се продаваат на настани на организации или поединци кои се домаќини на настанот во Домот на лордовите“, – додаде портпаролот. „Тоа не го плаќа даночниот обврзник“.