Елена Ѓорѓиеска по завршување на сезоната од Романија ќе се пресели во Хрватска и ќе настапува за екипата на Подравка. Десниот бек на македонската репрезентација, се очекува да биде еден од лидерите на Подравка која прави конкурентен тим за следната сезона.
Покрај Ѓорѓиевска, Подравка се засили уште и со словенечката репрезентативка Тјаша Станко и Гркињката Ламприни Цакалу.

Елена Ѓорѓиевска минатата сезона настапуваше за романскиот прволигаш Крајова, а претходно во кариерата има настапувано за Еуростандард ЃП, Кометал ЃП, Металург, Будуќност, Баја Маре и Фехервар.