Русија опремува нови нуклеарни подморници со хиперсонични ракети Циркон, соопшти руската морнарица.

„Повеќенаменските нуклеарни подморници од проектот „Јасен-М“ ќе бидат опремени со ракетниот систем „Циркон“, изјави Алексеј Рахманов, извршен директор на Обединетата бродоградба, пренесува Скај њуз.

Подморниците Јасен-М се новата руска флота од подморници со крстосувачки ракети со нуклеарен погон, кои треба да ги заменат подморниците од советската ера како дел од модернизацијата на морнарицата.

„Хиперсонични ракети Циркон“ имаат дострел од 900 километри и летаат со неколку пати поголема брзина од звукот, што ја отежнува одбраната од нив.